Trump: Nchi zisizochangia vya kutosha NATO hazitolindwa

Trump aliwaambia waandishi habari hapo jana akiwa ikulu mjini Washington kwamba hatozilinda nchi wanachama wa NATO ambazo hazitengi bajeti ya kutosha kwa ajili ya ulinzi.

Matamshi ya aina hiyo na ya kila wakati kutoka kwa Trump yanatishia kuuweka rehani mshikamano mfungamano huo wa kijeshi unaoundwa na madola 32 kwa dhima ya kutoa ulinzi wa pamoja.

Tangu aliporejea madarakani mwezi Januari mwaka huu Trump amezidisha shinikizo kwa nchi wanachama kuongeza matumizi ya ulinzi kufikia asilimia 5 ya pato la taifa kutoka asilimia 2 iliyokuwa inapendekezwa hapo kabla.

Amesema nchi zisizotimiza kiwango hicho zinaweza zisipatiwe ulinzi chini ya mwavuli wa NATO, ambayo mkataba wake unajumuisha ibara inayotaka wanachama wote kusaidiana kijeshi pale mmoja anaposhambuliwa.