Msichana auwawa katika shambulizi la droni la Urusi Ukraine

Msichana wa umri wa miaka 12 ameuwawa katika shambulizi la droni la Urusi katika eneo la Ukraine la Dnipropetrovsk.

Gavana wa eneo hilo, Serhiy Lysak, amesema watu wawili na msichana wa miaka sita wamejeruhiwa katika shambulizi hilo lililofanywa katika manispaa ya Hubynykha.

Ganava huyo ameripoti kuhusu majeraha zaidi na uharibifu kwa makazi binafsi na miundombinu katika maeneo mengine.

Mamlaka za Ukraine zimesema Urusi imefanya mashambulizi 100 ya droni nchini Ukraine usiku wa kuamkia leo. Jeshi la anga la Ukraine limesema droni 37 zimetunguliwa huku 47 zikipoteza muelekeo kutokana na hatua za ulinzi za kielektroniki.

Wakati hayo yakiarifiwa watu wawili wameuwawa na wengine watatu wamejeruhiwa kufuatia shambulizi la droni la Ukraine lililoilenga gari katika barabara kuu eneo la Urusi la Belgorod.