E3 yajiandaa kwa mazungumzo ya nyuklia na Iran

Mataifa hayo matatu yanayojulikana kama E3, yana mawasiliano na Iran kufanikisha mazungumzo hayo baada ya kutoa onyo kwa Jamhuri hiyo ya kiislamu kwamba huenda, vikwazo vya kiuchumi dhidi yake vikarejeshwa iwapo haitaingia katika majadiliano hayo. 

Shirika moja la habari nchini Iran limesema taifa hilo limekubali kuingia katika majadiliano na mataifa hayo matatu ya Magharibi na kwamba bado tarehe rasmi na mahala pa kukutana havijaamuliwa. 

Nchi tatu za Ulaya zatishia kurejesha vikwazo kwa Iran

Hapo kabla, Iran na Marekani zilifanya duru kadhaa za mazungumzo juu ya mpango huo wa nyuklia wa Iran kupitia wapatanishi wa Oman kabla Israel kuanzisha mashambulizi yake ya siku 12 nchini Iran yaliyoanza Juni 13.  

Hayo yamearifiwa wakati rais wa Urusi Vladimir Putin amefanya mkutano wa ghafla katika ikulu ya Kremlin na  Ali Larijani ambaye ni mshauri mkuu wa kiongozi wa kidini Iran Ayatolla Ali Khamenei. Wawili hao wajadiliana kuhusu mpango wa nyuklia wa Iran.