Marekani na Saudia zatia saini mikataba mingi ya ushirikiano

Baada ya kulakiwa kwenye uwanja wa ndege mjini Riyadh na kushiriki dhifa ya chakula cha mchana pamoja na mwenyeji wake Mwanamfalme Mohammed bin Salman, wawili hao wametiliana saini mikataba ya kuimarisha mahusiano ikiwemo ulinzi na uwekezaji.

Saudi Arabia imeahidi kuwekeza hadi dola bilioni 600 nchini Marekani ikiwemo dola bilioni 20 kwenye teknolojia ya akili mnemba.

Kwenye hotuba yake Trump ameusifu ukaribu uliopo kati yake na watawala wa Saudi Arabia, ambao wana mtizamo unaofanana na Washington hasa kuhusu suala la mradi wa nyuklia wa Iran.

Mbali ya Saudia, Trump pia atazitembelea Qatar na Umoja wa Falme za Kiarabu katika ziara hiyo ya kwanza rasmi nje ya nchi tangu aliporejea madarakani.