Hali ya Papa Francis bado inafuatiliwa kwa uangalifu mkubwa

Uongozi wa Kanisa Katoliki Duniani Vatican umeripoti leo kwamba Papa Fransis amekuwa na usiku tulivu baada ya hali yake kuripotiwa kuwa mbaya kutokana na matatizo ya kupumua.

Kiongozi huyo wa Kanisa Katoliki mwenye umri wa miaka 88 amelazwa katika hospitali ya Gemili akisumbuliwa na ugonjwa wa pneumonia.

Soma zaidi. Vatican: Hali ya Papa Francis inafuatiliwa kwa uangalifu mkubwa

Hali ya Papa Fransis ambaye amelazwa kwa zaidi ya wiki mbili imeendelea kufuatiliwa kwa uangalifu mkubwa na uongozi wa kanisa hilo bado haujatoa taarifa yoyote juu ya ni lini ataruhusiwa kutoka  hospitalini.

Papa Francis alichaguliwa kuwa kiongozi wa Kanisa Katoliki Duniani Vatican mwaka 2013 akichukua nafasi ya Papa Benedict wa 16 mnamo Machi 2013.